fbpx
News

ಇನ್ನು ಮುಂದೆ KSRTC ಬಸ್‍ ನಿಲ್ದಾಣಗಳಲ್ಲಿ ಸಿಗುತ್ತೆ ಉಚಿತ ವೈ-ಫೈ

ಕರ್ನಾಟಕ ರಾಜ್ಯ ಸಾರಿಗೆ ಸಂಸ್ಥೆ (KSRTC) ಶೀಘ್ರದಲ್ಲೇ ತನ್ನ ಪ್ರಯಾಣಿಕರಿಗೆ ರಾಜ್ಯದ ಗ್ರಾಮೀಣ ಪ್ರದೇಶದಂತೆ ಎಲ್ಲಾ ಬಸ್‍ನಿಲ್ದಾಣಗಳಲ್ಲಿ ಉಚಿತ ವೈ-ಫೈ ಸೌಲಭ್ಯ ಕಲ್ಪಿಸಿಕೊಡಲಿದೆ.

ಈಗಾಗಲೇ ರಾಜ್ಯದ 24 ಬಸ್‍ನಿಲ್ದಾಣಗಳಲ್ಲಿ ಉಚಿತ ವೈ-ಫೈ ಸೌಲಭ್ಯ ಕಲ್ಪಿಸಿದ್ದರಿಂದ ಉತ್ತಮ ಪ್ರತಿಕ್ರಿಯೆ ಲಭ್ಯವಾಗಿದೆ. ಈ ಹಿನ್ನೆಲೆಯಲ್ಲಿ ಕೆಸ್ಸಾರ್ಟಿಸಿ ಸಂಸ್ಥೆ ಗ್ರಾಮೀಣ ಪ್ರದೇಶದ ಬಸ್‍ ನಿಲ್ದಾಣಗಳು ಹಾಗೂ ಲಕ್ಸುರಿ ಅಲ್ಲದೇ ಸಾಮಾನ್ಯ ಬಸ್‍ಗಳಲ್ಲೂ ಈ ಸೇವೆ ವಿಸ್ತರಿಸಲು ಸಿದ್ಧತೆ ನಡೆಸಿದೆ.

KSRTC, ಉತ್ತರ ಹಾಗೂ ನೈಋತ್ಯ ಬಸ್‍ ನಿಲ್ದಾಣ ಅಲ್ಲದೇ ರಾಜ್ಯದ 18,704 ಬಸ್‍ಗಳಲ್ಲಿ ವೈ-ಫೈ ಸೌಲಭ್ಯ ಕಲ್ಪಿಸಲು ಈಗಾಗಲೇ ಟೆಂಡರ್‍ ಕರೆಯಲಾಗಿದೆ. ಜನವರಿ 23 ಅರ್ಜಿ ಸಲ್ಲಿಸಲು ಕೊನೆಯ ದಿನವಾಗಿದ್ದು, ಈಗಾಗಲೇ 40 ಕಂಪನಿಗಳು ಅರ್ಜಿ ಸಲ್ಲಿಸಿವೆ.

ಉಚಿತ ವೈ-ಫೈ ಸೇವೆಗೆ ಸಾರಿಗೆ ಸಂಸ್ಥೆ ಯಾವುದೇ ವೆಚ್ಚ ಭರಿಸುತ್ತಿಲ್ಲ. ಬದಲಾಗಿ ಸೇವೆ ನೀಡಿದವರಿಗೆ ಉಚಿತ ಜಾಹೀರಾತು ಪ್ರಕಟಣೆ ಮತ್ತು ಆದಾಯ ಮಾಡಿಕೊಳ್ಳಲು ಅವಕಾಶ ನೀಡಲಿದೆ.

ಪ್ರಸ್ತುತ ಉಚಿತ ವೈ-ಫೈ ಸೇವೆ ಬೆಂಗಳೂರು, ಮೈಸೂರು, ಕೋಲಾರ, ಮಂಡ್ಯ, ಹಾಸನ ಮತ್ತು ಧರ್ಮಸ್ಥಳ ಬಸ್‍ ನಿಲ್ದಾಣಗಳಲ್ಲಿ ಲಭ್ಯವಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top