ಮನೋರಂಜನೆ

ಶ್ರುತಿ ಹರಿಹರನ್ ಆರೋಪ ಹಿನ್ನಲೆ ಕೊನೆಗೂ ಮೌನ ಮುರಿದ ಅರ್ಜುನ್ ಸರ್ಜಾ ,ಅರ್ಜುನ್ ಹೇಳಿದಾದ್ರು ಏನು

ಸಿನಿಮಾಗಳಲ್ಲಿ ನಟಿಸಲು ಅವಕಾಶ ಕೊಡುವ ಆಮಿಷವೊಡ್ಡಿ ನಟಿಯರನ್ನು ಮಂಚಕ್ಕೆ ಆಹ್ವಾನಿಸುವ ಕಾಯಿಲೆ ಎಲ್ಲ ಚಿತ್ರರಂಗಗಳಿಗೂ ಸಾಂಕ್ರಾಮಿಕವಾಗಿ ಹರಡಿರೋ ವಿಚಾರ ಈಗ ಗುಟ್ಟಾಗಿ ಉಳಿದಿಲ್ಲ. ಇಂಥ ಕಾಸ್ಟ್ ಕೌಚಿಂಗ್‌ನ ಸರಣಿ ಇದೀಗ ಎಲ್ಲೆಲ್ಲಿಯೋ ಬಿಚ್ಚಿಕೊಳ್ಳುತ್ತಿವೆ. ಇತ್ತೀಚಿನ ದಿನಗಳಲ್ಲಿ ದೇಶವ್ಯಾಪಿ ಭಾರಿ ಚರ್ಚೆಯನ್ನು ಹುಟ್ಟುಹಾಕಿರುವ ಇಂತಹ ಅನಿಷ್ಟ ಪಿಡುಗಿನ ವಿರುದ್ಧ ದಕ್ಷಿಣ ಭಾರತ ಚಿತ್ರರಂಗದ ಎಲ್ಲಾ ಭಾಷೆಯ ಪ್ರಸಿದ್ಧ ಯುವ ನಟಿಯರನೇಕರು ತಾವೇ ಅನುಭವಿಸಿದ್ದ ಕಾಸ್ಟಿಂಗ್ ಕೌಚ್ ಮನೋ ವ್ಯಾಕುಲವನ್ನು ಸಾಂದರ್ಭಿಕವಾಗಿ ಬಿಚ್ಚಿಡುತ್ತಿದ್ದಾರೆ.

ಇತ್ತೀಚಿಗೆ ಕಾಸ್ಟಿಂಗ್ ಕೌಚ್ ವಿರುದ್ಧ ರೊಚ್ಚಿಗೆದ್ದು ನಡುರಸ್ತೆಯಲ್ಲಿ ಬಟ್ಟೆಗಳನ್ನು ಬಿಚ್ಚಿ ಅರೆ ಬೆತ್ತಲೆ ಪ್ರತಿಭಟನೆ ನಡೆಸಿದೇಟಿಗೆ ತೆಲುಗು ಚಿತ್ರರಂಗದೊಳಗೆ ಅಲ್ಲೋಲ ಕಲ್ಲೋಲವೇ ಸೃಷ್ಟಿಯಾಗಿ ಇಡೀ ದೇಶದಾದ್ಯಂತ ಸುದ್ದಿಗೆ ಗ್ರಾಸವಾಗಿತ್ತು. ಅದಾದೇಟಿಗೆ ಹಲವು ಚಿತ್ರರಂಗದ ನಟಿಯರೂ ಕೂಡ ಚಿತ್ರರಂಗದಲ್ಲಿ ತಮಗಾಗುತ್ತಿರುವ ಚಿತ್ರ ಹಿಂಸೆಯನ್ನು ಒಂದರ ಹಿಂದೊಂದರಂತೆ ಬಿಚ್ಚಿಡುತ್ತಾ ಬಂದಿದ್ದಾರೆ.ಮೊನ್ನೆ ಎಷ್ಟೇ ಸಂಗೀತ ಶೆಟ್ಟಿ ಹಾಗೂ ಸಂಜನಾ ತಾವು ಅನುಭವಿಸಿದ ಹಿಂಸೆ ಹಾಗು ಅನ್ಯಾಯದ ಬಗ್ಗೆ ಬಿಡಿ ಬಿಡಿ ಯಾಗಿ ಬಿಚ್ಚಿಟ್ಟರು .ಮೀಟೂ ಅಭಿಯಾನ ಸ್ಯಾಂಡಲ್​ವುಡ್​ನಲ್ಲಿ ಭರ್ಜರಿಯಾಗಿ ಸದ್ದು ಮಾಡುತ್ತಿದೆ ,ಈ ಬೆನ್ನಲ್ಲೇ ಈಗ ಶೃತಿ ಹರಿಹರನ್ ಕೂಡ ಫೇಮಸ್ ನಟನ ಕುರಿತು ಬೆಚ್ಚಿಬೀಳಿಸೋ ವಿಷಯ ಹೊರಹಾಕಿದ್ದಾರೆ ,ಆ ಖ್ಯಾತ ನಟ ಬೇರೆ ಯಾರು ಅಲ್ಲ ಅರ್ಜುನ್ ಸರ್ಜಾ ,ಹೌದು ಈ ಸಲ ಶ್ರುತಿ ಹರಿಹರನ್ ಅರ್ಜುನ್ ಸರ್ಜಾ ಅವರ ವಿರುದ್ಧ ಈ ಆರೋಪ ಎಸಗಿದ್ದಾರೆ.ವಿಸ್ಮಯ ಚಿತ್ರೀಕರಣದ ವೇಳೆ ತನ್ನ ಮೇಲಾದ ಲೈಂಗಿಕ ಕಿರುಕುಳದ ಅನುಭವವನ್ನು #Metoo ಬಿಚ್ಚಿಟ್ಟಿದ್ದಾರೆ .

 

ಶ್ರುತಿ ಹರಿಹರನ್ ಆರೋಪ:

ವಿಸ್ಮಯ ಚಿತ್ರದಲ್ಲಿ ಶ್ರುತಿ ಹರಿಹರನ್ ಅರ್ಜುನ್ ಸರ್ಜಾ ರವರಿಗೆ ನಾಯಕಿಯಾಗಿ ಅಭಿನಯ ಮಾಡಿದ್ರು ಆ ಸಮಯದಲ್ಲಿ ಅರ್ಜುನ್ ಸರ್ಜಾರಿಂದ ಅವರಿಗಾದ ಕೆಟ್ಟ ಅನುಭವನ್ನು ಮ್ಯಾಗಜೀನ್‍ವೊಂದರ ಸಂದರ್ಶನದ ವೇಳೆ ಹಚ್ಚಿಕೊಂಡಿದ್ದಾರೆ ” ‘ವಿಸ್ಮಯ’ ಸಿನಿಮಾಕ್ಕೂ ಮೊದಲು ನಾನು ಹಲವು ಸಿನಿಮಾಗಳನ್ನು ಮಾಡಿದ್ದೇನೆ. ಹಲವು ನಟರ ಜೊತೆಯೂ ಅಭಿನಯಿಸಿದ್ದೇನೆ. ಇಂದಿಗೂ ನನಗೆ ಬೇರೆ ನಟರ ಜೊತೆ ನಟಿಸುವಾಗ ಯಾವ ತೊಂದರೆಗಳೂ ಆಗಿಲ್ಲ. ಚಿತ್ರೀಕರಣದ ಸಂದರ್ಭದಲ್ಲಿ ನಾವು ಪರಸ್ಪರ ಗೌರವದಿಂದಲೇ ನಡೆದುಕೊಳ್ಳುತ್ತಿದ್ದೇವು. ನಾಯಕ-ನಾಯಕಿಯ ನಡುವಿನ ಪ್ರಣಯದ ದೃಶ್ಯಗಳನ್ನು ಚಿತ್ರೀಕರಿಸುವ ಸಂದರ್ಭಗಳಲ್ಲಿಯೂ ಕಲಾವಿದರ ನಡುವೆ ಬಹುಸೂಕ್ಷ್ಮವಾದ ಒಂದು ಗಡಿ ರೇಖೆ ಇರುತ್ತದೆ. ಅದನ್ನು ಮೀರಿ ನಾವು ನಡೆದುಕೊಳ್ಳುತ್ತಿರಲಿಲ್ಲ. ಒಂದು ವೇಳೆ ಆ ರೇಖೆಯನ್ನು ದಾಟಿದ್ರೆ ಹೆಣ್ಣಿಗೆ ಇರುಸು ಮುರುಸು ಉಂಟಾಗಲು ಆರಂಭವಾಗುತ್ತದೆ. ‘ವಿಸ್ಮಯ’ ಚಿತ್ರದ ಶೂಟಿಂಗ್ ವೇಳೆ ಆಗಿದ್ದು ಇದೇ. ಚಿತ್ರೀಕರಣದ ವೇಳೆ ನಟ ಅರ್ಜುನ್ ಸರ್ಜಾ ಅವರು ಗಡಿರೇಖೆ ದಾಟಿದ್ದರು” ಅಂತ ಅವರು ಘಟನೆಯನ್ನು ನೆನೆದ್ದರು.

 

 

 

“ಚಿತ್ರದಲ್ಲಿ ನಾನು ಅವರ ಹೆಂಡತಿಯಾಗಿ ನಟಿಸುತ್ತಿದ್ದೆ, ಅದರ ಪ್ರ್ಯಾಕ್ಟೀಸ್ ಮಾಡುತ್ತಿದ್ದೆವು. ಆಗ ಸರ್ಜಾ ‘ಇನ್ನೊಂಚೂರು ಹೀಗೆ ಪ್ರಾಕ್ಟೀಸ್ ಮಾಡಬಹುದಲ್ವಾ?’ ಅಂತ ಹೇಳಿ ಅವರು ನನ್ನನ್ನು ಜೋರಾಗಿ ತಬ್ಬಿಕೊಂಡರು. ಅವರ ಆ ಅಪ್ಪುಗೆಯಿಂದ ಒಮ್ಮೆಲೆ ನಾನು ತಬ್ಬಿಬ್ಬಾಗಿದ್ದು, ಆ ವರ್ತನೆ ತುಂಬಾನೇ ಅಸಹ್ಯವಾಗಿತ್ತು. ಇದರಿಂದ ನನಗೆ ಇರಿಸು ಮುರುಸು ಉಂಟಾಗಿದ್ದು, ಕೂಡಲೇ ನಿರ್ದೇಸಕರ ಬಳಿ ತೆರಳಿ ‘ಇನ್ನು ಮುಂದೆ ನಾನು ರಿಹರ್ಸಲ್ ಗೆ ಬರಲ್ಲ, ಬರೀ ಶೂಟಿಂಗ್ ಗಷ್ಟೇ ಕರೆಯಿರಿ’ ಅಂತ ಹೇಳಿ ಬಂದುಬಿಟ್ಟೆ” ಆ ಬಳಿಕ ನಾನು ಬರೀ ಶೂಟಿಂಗ್ ಗೆ ಮಾತ್ರ ಹೋಗಿ ಬರುತ್ತಿದ್ದೆ ಅಂತ ಶೃತಿ ಹೇಳಿದ್ರು. ‘ರೆಸಾರ್ಟ್ ಗೆ ಹೋಗೋಣ ಬಾ’ ಎಂದು ಕರೆಯಲು ಆರಂಭಿಸಿದ್ರು. ಹೀಗೆ ಕರೆಯುವಾಗ ನಾನು ನೇರವಾಗಿ ‘ಇಲ್ಲ, ನಾನು ಬರಲ್ಲ’ ಅಂತ ಹೇಳುತ್ತಿದ್ದೆನು. ನನ್ನ ಈ ಮಾತುಗಳನ್ನೂ ಅವರು ಗಂಭೀರವಾಗಿ ತೆಗೆದುಕೊಳ್ಳುತ್ತಿರಲಿಲ್ಲ. ‘ನೋ ಅಂದ್ರೆ ನೋ’ ಎಂಬುದರ ಅರ್ಥವೇ ಅವರಿಗೆ ಆಗುತ್ತಿಲ್ಲವಲ್ಲ ಅಂತ ನನಗೆ ನಿಜವಾಗಿಯೂ ಅಚ್ಚರಿಯಾಗುತ್ತಿತ್ತು. ಯಾಕಂದ್ರೆ ಅವರಿಗೆ ಹೀಗೆ ಕರೆದಾಗ ಯಾರೂ `ನೋ’ ಅಂತ ಹೇಳಿರಲಿಲ್ಲವೋ ಏನೋ, ಅದಕ್ಕೆ ಅವರು ನನ್ನ ನೇರ ಮಾತುಗಳನ್ನು ಕಡೆಗಣಿಸುತ್ತಿದ್ದರು ಅಂತ ಅವರು ತನಗಾದ ಅನುಭವವನ್ನು ಬಿಚ್ಚಿಟ್ಟರು

ಅರ್ಜುನ್ ಸರ್ಜಾ ಪ್ರತಿಕ್ರಿಯೆ:
ಶ್ರುತಿ ಹರಿಹರನ್ ಅರ್ಜುನ್ ಸರ್ಜಾರವರ ಮೇಲೆ ಮಾಡಿರುವ ಆರೋಪದ ಹಿನ್ನಲೆ ಈ ವರಿಗೂ ಏನು ಪ್ರತಿಕ್ರಿಯೆ ನೀಡದ ಅರ್ಜುನ್ ಸರ್ಜಾ ಈಗ ಅವರ ಮೌನ ಮುರಿದು ಖಾಸಗಿ ವಾಹಿನಿ ಒಂದಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ ,”ನನ್ನ ಸಿನಿಮಾ ಕೆರಿಯರ್​ನಲ್ಲೇ ಇದೇ ಮೊದಲ ಬಾರಿಗೆ ನನಗೆ ಈ ಆರೋಪ ತುಂಬಾ ನೋವು ತಂದಿದೆ. ನನ್ನ ಲೈಫ್​ನಲ್ಲೇ ಕಪ್ಪು ಚುಕ್ಕೆ. ಅದರಲ್ಲೂ ಈ ಹುಡುಗಿ (ಶೃತಿ ಹರಿಹರನ್​) ನನ್ನ ಮೇಲೆ ಆರೋಪ ಮಾಡಿದ್ದಾಳೆ ಎಂದರೆ ನಿಜಕ್ಕೂ ನಂಬೋದಿಕ್ಕೆ ಆಗ್ತಾ ಇಲ್ಲ ಮನಸ್ಸಿಗೆ ತುಂಬಾನೇ ಬಾಜಾರಾಗ್ತಿದೆ. ನನಗೆ ಇದಕ್ಕೆ ಯಾವ ಪ್ರತಿಕ್ರಿಯೆ ನೀಡಬೇಕೆಂದು ಗೊತ್ತಾಗ್ತಿಲ್ಲ”ಎಂದ ಅರ್ಜುನ್ ಸರ್ಜಾ “.

 

 

 

ನಾನು ಯಾವ ದುರುದ್ದೇಶದಿಂದ ನಾನು ಆಕೆಯನ್ನು ಮುಟ್ಟಿಲ್ಲ. ನನ್ನ ಪ್ರೊಫೆಷನಲಿ, ನಾನೇ ನಿರ್ದೇಶಕನಾಗಿ ಆ ದಾರಿಯಲ್ಲಿ ನಡೆದಿರುತ್ತೇವೆ ಬಿಟ್ಟು ಇಂತಹ ದುರದ್ದೇಶ ಮುಟ್ಟಿಲ್ಲ ಎಂದು ನಟ ಅರ್ಜುನ್ ಸರ್ಜಾ ಪ್ರತಿಕ್ರಿಯೆ ನೀಡಿದ್ದಾರೆ , “ನಾನು ಶೃತಿ ಹರಿಹರನ್​ ಜೊತೆ ನಾಲ್ಕೈದು ದಿನ ಶೂಟಿಂಗ್​ ಅಷ್ಟೇ ಇತ್ತು. ಆಕೆ ಮೇಲೆ ನೆಪ ಇಟ್ಕೊಂಡು ಮುಟ್ಟೋದನ್ನ ನಾನು ಮಾಡಿಲ್ಲ,ನಾನು ವಿಸ್ಮಯ ಸಿನಿಮಾ ಆದ ಮೇಲೂ ನನ್ನೊಂದಿಗೆ ಆ್ಯಕ್ಟ್​ ಮಾಡಬೇಕು ಎಂದವರು ಇದ್ದಕ್ಕಿದ್ದ ಹಾಗೇ ಇವರು ಆರೋಪ ಮಾಡ್ತಿದ್ದಾರೆ ಎಂದರೆ ಏನು ಅರ್ಥ ,ಒಂದು ವೇಳೆ ನಾನು ಆಕೆಯನ್ನು ಅನಾವಶ್ಯಕವಾಗಿ ಮುಟ್ಟಿದ್ದಾರೆ ಎಂದರೆ , ಆಕೆ ಅವಾಗಲೇ ಹೇಳಬಹುದಿತ್ತಲ್ವಾ,ನಿಜ ಮೀಟೂ ಮಿಸ್​ಯೂಸ್​ ಆಗ್ತಾ ಇದೆ. ನಾನು ಪ್ರತಿಕ್ರಿಯೆ ನೀಡಬಾರದು ಅಂತಾ ಸುಮ್ಮನಿದ್ದೆ, ಆದ್ರೆ ಮೌನಂ ಸಮ್ಮತಿ ಲಕ್ಷಣಂ ಅನ್ನೋ ಹಾಗೇ ಹಾಗ್​ಬಿಡುತ್ತೆ ಅಂತಾ ನಾನೇ ಮಾಧ್ಯಮದ ಮುಂದೆ ಪ್ರತಿಕ್ರಿಯಿಸ್ತಾ ಇದ್ದೀನಿ,ಈಕೆ ಮಾಡಿರೋದು ಆರೋಪದಿಂದ ಭಯ ಆಗ್ತಾ ಇಲ್ಲ, ಶಾಕ್​ ಆಗ್ತಾ ಇದೆ. ಅದೆಲ್ಲಾ ಹೇಗೆ ಅಂತಾ, ನಾನು ಹುಡುಗಿಯರನ್ನು ಮಿಸ್​ಯೂಸ್​ ಮಾಡ್ಕೊಳ್ಳೋ ಲುಚ್ಚ ಬುದ್ಧಿ ನನಗಿಲ್ಲ. ನಮ್ಮ ತಂದೆ-ತಾಯಿ ನಮಗೆ ಅದನ್ನ ಕಲಿಸಿಲ್ಲ ಎಂದು ಎಲ್ಲಿ ಅವರ ಮಾತು ಮುಗಿಸಿದ್ದಾರೆ

 

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top