ಮನೋರಂಜನೆ

ಕನ್ನಡ ಮಾತನಾಡೋಲ್ಲವಂತೆ ಸೂಪರ್ ಸ್ಟಾರ್ ರಜಿನಿಕಾಂತ್.

ಕನ್ನಡ ಚಿತ್ರರಂಗದಲ್ಲಿ ಪರಭಾಷಾ ಚಿತ್ರಗಳ ಡಬ್ಬಿಂಗ್ ಬಗೆಗಿನ ಚರ್ಚೆ, ವಾದ ವಿವಾದ ಆರಂಭವಾಗಿ ವರ್ಷಗಳೇ ಕಳೆದಿವೆ. ಡಬ್ಬಿಂಗ್‌ನಿಂದ ಸ್ಥಳೀಯ ಕಲಾವಿದರಿಗೆ ತೊಂದರೆ ಆಗುತ್ತದೆ, ಅನೇಕ ಜೂನಿಯರ್ ಆರ್ಟಿಸ್ಟ್ ಗಳು ಕೆಲಸಗಳನ್ನು ಕಳೆದುಕೊಳ್ಳುತ್ತಾರೆ ಎಂದು ಕೆಲವರು ವಾದಿಸಿದರೆ ಇನ್ನೂ ಕೆಲವರಿ ಡಬ್ಬಿಂಗ್ ಇದು ಕನ್ನಡದ ಪರ. ಪರಭಾಷಾ ಚಿತ್ರಗಳು ಕನ್ನಡದಲ್ಲೇ ಬಿಡುಗಡೆಯಾಗುವುದರಿಂದ ಕನ್ನಡವೂ ಎಲ್ಲೆಡೆ ಪಸರುತ್ತದೆ ಎಂದು ವಾದಿಸುತ್ತಾರೆ.. ಇದೀಗ ಡಬ್ಬಿಂಗ್ ಕುರಿತಾದ ಚರ್ಚೆಗೆ ಮತ್ತೆ ಜೀವ ಬಂದಿದೆ.

‘ಸೂಪರ್ ಸ್ಟಾರ್’ ರಜಿನಿಕಾಂತ್ ನಟನೆಯ ‘ಪೆಟ್ಟಾ’ ಸಿನಿಮಾ ಕನ್ನಡಲ್ಲೇ ಡಬ್ ಆಗಿ ತೆರೆಕಾಣಲಿದೆ ಎಂದು ಕಳೆದ ತಿಂಗಳು ಸುದ್ದಿಯಾಗಿತ್ತು. ಸ್ವತಃ ರಜಿನಿ ಕಾಂತ್ ಅವರೇ ವಾಯ್ಸ್ ಡಬ್ ಮಾಡಲಿದ್ದಾರೆ ಎನ್ನಲಾಗಿತ್ತು. ಆದರೆ ಇದೀಗ, ಈ ಆಸೆಯನ್ನ ರಜನಿಕಾಂತ್ ನಿರಾಸೆ ಮಾಡಿದ್ದಾರೆ.. ಹೌದು, ಪೇಟಾ ಚಿತ್ರಕ್ಕೆ ಕನ್ನಡದಲ್ಲಿ ಡಬ್ ಮಾಡಲು ರಜನಿ ನಿರಾಕರಿಸಿದ್ದಾರೆ ಹಾಕಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ.

 

 

ಈಗಾಗಲೇ ಡಬ್ಬಿಂಗ್ ಬಗ್ಗೆ ಕನ್ನಡದ ಸಿನಿ ತಾರೆಯರು ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ. ಹೀಗಾಗಿ ಕನ್ನಡ ಕಲಾವಿದರ ವಿರೋಧ ಕಟ್ಟಿಕೊಳ್ಳುವುದು ಬೇಡ ಎಂದು ರಜನಿ ನಿರ್ಧರಿಸಿರಬಹುದು. ಇದಕ್ಕೆ ಸ್ಪಷ್ಟವಾದ ಕಾರಣ ಬಹಿರಂಗವಾಗಿಲ್ಲ. ಇನ್ನು, ರಜನೀಕಾಂತ್ ಕನ್ನಡದಲ್ಲಿ ಡಬ್ಬಿಂಗ್ ಮಾಡಲ್ಲ ಎಂದು ಗೊತ್ತಾದ ಮೇಲೆ ಇದೀಗ ಸಿನಿಮಾವನ್ನು ಕನ್ನಡಕ್ಕೆ ಡಬ್ಬಿಂಗ್ ಮಾಡುವುದು ಬೇಡ ಎಂದು ವಿತರಕರೂ ನಿರ್ಧರಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಪೇಟಾ ಚಿತ್ರತಂಡದ ಮುಂದಿನ ನಡೆ ಏನು ಎಂಬುದು ಕುತೂಹಲ ಮೂಡಿಸಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top